Monday, March 1, 2021

శ్రీ బచ్చుల అర్జునుడు గారి పత్రిక ప్రకటన

కృష్ణ జిల్లా (గన్నవరం)

గన్నవరం నియోజకవర్గ టీడీపీ ఇంచార్జ్, జాతీయ టీడీపీ క్రమశిక్షణ సంఘం చైర్మన్, శాసనమండలి సభ్యులు, శ్రీ బచ్చుల అర్జునుడు పత్రిక ప్రకటన వివరాలు..

యువతది బాధ్యతాయుత పాత్ర‌

– ప‌ని చేసే వారికి తప్పకుండా గుర్తింపు ఇస్తాం

– యువత సమావేశంలో గన్నవరం ఇన్‌చార్జి బచ్చుల అర్జునుడు

★ తెలుగుదేశం పార్టీలో యువత బాధ్యతాయుతంగా పని చేయాలని పార్టీ గన్నవరం నియోజకవర్గం ఇన్‌చార్జి, శాసనమండలి సభ్యుడు బచ్చుల అర్జునుడు అన్నారు.

★ పార్టీకి యువత రెండు కళ్లు లాంటివారని చెప్పారు.

★ కష్టపడి పని చేసే వారికి పార్టీలో తప్పకుండా గుర్తింపు ఇవ్వడంతోపాటు పదవులు ఇస్తామని హామీ ఇచ్చారు.

★ తెలుగు యువత గన్నవరం నియోజకవర్గ స్థాయి సమావేశం గన్నవరంలోని పార్టీ కార్యాలయంలో సోమవారం జరిగింది.

ఈ సమావేశంలో ఎమ్మెల్సీ బచ్చుల అర్జునుడు మాట్లాడుతూ..

★ టీడీపీలో మొదటి నుంచి యువతకు పెద్ద పీట వేస్తున్నట్లు చెప్పారు.

★ తెలుగుదేశం పార్టీ సిద్ధాంతాల ప్రకారం నాయకులు, యువత సమన్వయంతో కలసి పని చేస్తే తప్పకుండా ఫలితం ఉంటుందన్నారు.

★ గ్రామాలలో పార్టీని మరింత బలోపేతం చేసే దిశగా యువకులు ముందడుగు వేయాలని సూచించారు.

★ యువత చక్కని ఆలోచనా విధానంలో సక్రమమార్గంలో నడవాల్సిన అవసరం ఉందని తెలిపారు.

★ రాష్ట్రంలో నేడు వ్యవస్థపై ముప్పేట దాడి జరుగుతోందని, వ్య‌వ‌స్థ‌ను కాపాడుకోవాల్సిన అవసరం ఎంతైనా ఉందన్నారు.

★ సాధ్యమైనంత త్వరగా సంస్థాగత ఎన్నికలను పూర్తిచేసుకుని క్షేత్రస్థాయిలో పార్టీ బాధ్యతలు స్వీకరించేందుకు ప్రతి ఒక్కరూ సిద్ధంగా ఉండాలని అర్జునుడు పిలుపునిచ్చారు.

ముఖ్య అతిధిగా హాజరైన గన్నవరం నియోజకవర్గం పార్టీ పరిశీలకుడు, రాష్ట్ర కార్యదర్శి కనపర్తి శ్రీనివాసరావు మాట్లాడుతూ..

★ రాష్ట్రంలో ప్రస్తుత పాలనను చూసి యువత అధైర్యపడొద్దని, త్వరలోనే మంచి రోజులు వస్తాయన్నారు.

★ రాష్ట్రంలో తెలుగుదేశం పార్టీ తిరిగి అధికారంలోకి వస్తుందని ఆయన ధీమా వ్యక్తం చేశారు.

★ రాష్ట్రంలో ప్రస్తుతం రాజ్యాంగ సంక్షోభం తలెత్తిందన్నారు.

★ దేశంలో కరోనా వైరస్ వ్యాప్తి తగ్గిందని, అందుకే అనేక రాష్ట్రాలు అసెంబ్లీ ఎన్నికలతో పాటు స్థానిక సంస్థల ఎన్నికలను కూడా నిర్వహించుకున్నట్లు చెప్పారు.

★ ఏపీ ప్రభుత్వం మాత్రం కరోనా పేరు చెప్పి స్థానిక సంస్థల ఎన్నికలను నిర్వహించకుండా అడ్డుపడుతోందని విమర్శించారు.

★ రాష్ట్రంలో ప్రజల నుంచి వ్యతిరేకత వచ్చినందునే ఎన్నికలంటే ముఖ్యమంత్రి వైఎస్ జగన్ భయపడుతున్నారని ఆయన వ్యాఖ్యానించారు.

టీడీపీ రాష్ట్ర కార్యదర్శి దొంతు చిన్నా మాట్లాడుతూ..

★ యువతే పార్టీకి పునాదుల‌ని, ప్రభుత్వం అనుసరిస్తున్న విధానాలను ప్రజలలోకి తీసుకువెళ్లి వివ‌రించాలన్నారు.

★ గ్రామాలలో పార్టీని అభివృద్ధి చేసే బాధ్యతలను యువతే స్వీకరించాలని ఆయన కోరారు.

★ ఈ సమావేశంలో టీడీపీ గన్నవరం నియోజకవర్గం కో-ఆర్డినేటర్ కోనేరు నాగేంద్రకుమార్(నాని), తెదేపా నాయకుడు బొడ్డపాటి రాంబాబు, తెలుగు యువత గన్నవరం మండల అధ్యక్షుడు చీమలదండు రామకృష్ణ, విజయవాడ రూరల్‌ మండల అధ్యక్షుడు గంపా శ్రీనివాస యాదవ్, తెలుగు యువత నాయకుడు మండవ అన్వేష్ మరియు తదితరులు పాల్గొన్నారు.

LEAVE A REPLY

Please enter your comment!
Please enter your name here

Stay Connected

514FansLike
18FollowersFollow
31SubscribersSubscribe

Latest Articles